Musharrixiinta Madaxweynana Puntland oo billaabay isdiiwaan gelinta

Guddiga doorashada Madaxweynaha Maamulka Puntland ayaa billaabay qabashada lacagaha musharrixiinta u tartamaya xilka Madaxweynaha Puntland.

Guddigan oo shalay uun lagu dhawaaqay ayaa durba waxaa iska diiwaangeliyay qaar ka mid ah musharrixiinta.

Musharrixiinta ugu dambeeya ee isdiiwaangelinaya ayaa lagu wadaa in ay maanta soo gaba gabeeyaan,maaddaama berri tahay hadal jeedinta.

Waxaa uu Musharrax kasta bixinayaa $20,000 doollar madaxweynaha iyo ku xigeenka oo bixinaya $10,000 oo doollar.

Ilaa hadda waxaa isdiiwaangeliyay Siciid Cabdullahi Deni oo shahaadadiisa ka qaatay Guddiga,kaas oo billow u ah musharrixiinta sida ay Guddiga sheegeen.

Musharrax kasta waxaa uu berri hadli doonaa 15 Daqiiqo oo uu ku sharraxayo waxqabadkiisa Puntland haddii loo doorto xilka Madaxweynaha.