SAWIRO: Mahdi Maxamed Guuleed” Soomaaliya waxay u baahan tahay iney nabad kula noolaato Itoobiya,”

Ra’iisul wasaare ku-xigeenka xukuumadda federaalka Soomaaliya, Mudane Mahdi Maxamed Guulled (Khadar) ayaa maanta dalka walaalaha aan nahay ee Jabuuti uga qayb gelay madasha sannadlaha ah ee machadka daraasaadka siyaasadda Heritage.

Mudane Mahdi Maxamed Guuleed,ra’iisul wasaare ku-xigeenka oo shirka ku metelayay dawladda Soomaaliya ayaa madashana ka jeedinaya khudbad uu uga hadlayo isbedelka gobalka geeska Afrika iyo dawrka ay ku leedahay dawladda Soomaaliyeed ayaa sheegay in Soomaaliya u baahan tahay iney nabad iyo xasillooni kula noolaato dalalka deriska la ah.

“ Soomaaliya waxay baahan tahay nabad iyo nolol,Soomaaliya waxay baahan tahay iney nabad kula noolaato jaarkeeda,isbedelka Geeska Afrika ka dhacay Soomaaliya waxay uga faa’ideysaneysaa xagga dhaqaalaha,amni iyo xasillooni siyaasadeed iyo in Soomaaliya iyo Itoobiya nabad ku wada noolaadan,” ayuu yiri Ra’iisal wasaare ku-xigeenka dalka.

Ra’iisal wasaare ku-xigeenka dalka Mudane Mahdi Maxamed Guuleed (Khadar) ayaa sheegay in shirkan oo socon doono muho saddex cisho ah ka rajeynayo iney ka soo baxaan waxyaabo mira dhal ah oo wax weyn u tara Soomaaliya iyo guud ahaan Geeska Afrika.

Fb Img 1544887827385

Fb Img 1544887830397

Fb Img 1544887832734

Fb Img 1544887838156

Fb Img 1544887841300