Abaanduulaha Ciidanka Xoogga dalka iyo Mas’uuliyiin ka socota Xafiiska Ra’iisal wasaaraha oo 2-Arrin muhiim ah u gaaray Baladweyne

0

Wafdigan uu horkacayay abaandulaha Ciidanka Xoogga dalka Soomaliyeed Generaal Odawaa  Yuusuf Raage oo ay qeyb ka ahaayeen xubno ka socday Xafiiska Ra’iisal wasaaraha iyo xubno kale oo ka socday Wasaaradda Maaliyadda Xukuumadda Soomaaliya ayaa maanta gaaray magaalada Baladweyne ee xarunta Gobolka Hiiraan.

Taliyaha qeybta 27-aad ee Ciidanka Xoogga dalka Generaal Maxamuud Macallim Koronto ayaa ujeedka socdaalka Abaanduulaha ku sheegay iney tahay tirakoob lagu sameeyo Ciidanka Xoogga dalka si akoono ugu qaataan mushaarkooda iyo waliba awooda ciidanka.

Generaal Odawa Yuusuf Raage aya kormeeray qeybaha uu ka kooban yahay  taliska guutada 5-aad ee xoogga dalka Soomaaliyed ee ka howlgala  gobolka Hiiraan,isagoona u kuur galay xaaladda ciidanka ay ku shaqeynayaan.

Gaba-gabadi  kormeerka waxaa warbahinta lahadlay  taliyaha qeybta 27-aad  ee xoogga  dalka Soomaliyed Generaal Maxamuud Macallim Koronto,wuxuuna sheegay muhiimadda ugu weyn ee socdaalka Abaanduulaha Ciidan Xoogga dalka ay tahay in la ogaado tirade saxda ah ee Ciidanka Xoogga ka howlgala gobolka Hiiraan si hadda wixii ka danbeeya musharaarkooda akoonadooda ay ku qaataan.

Taliska Ciidanka Xooga dalka Soomaaliyed ayaa ka go’an fulinta amarkii madaxweynaha Jamhuuriyadda Federaalka Soomaaliya ee ahaa in laga wada shaqeeyo taakuleynta iyo dhiira gelinta Ciidamada Xoogga dalka ee dagaalka kula jira kooxaha argagixisada.

You might also like More from author

Leave A Reply