SAWIRRO: Sh/Dhexe Oo Laga Mamnuucay Jarista Dhirta Dhuxusha Laga Sameeyo !

Maamulka Degmada  warshiiq ee gobolka  Shabeelaha Dhexe ayaa  ka warbixiyay howlogalo ay ku joojinayaan xaalufinta iyo ka ganacsiga dhirta Dhuxusha laga sameeyo,taasi oo ka socota deegaanoo ka tirsan Gobolkaasi.

Deegaanada ay ka socdaan xaalufinta dhirta Dhuxusha laga sameeyo aya kamid ah deegaanka Ceel-Macaan oo hoostaga degmada Warshiiq ee Gobolka SHabeelada Dhexe,halkaasi oo lagu soo bandhigay gaadiid si qarsoodi ah laagu soo daabulay dhuxushaasi.

Guddoomiyaha degmada Warshiiq  ee Gobolka Shabeelada Dhexe Axmed Xuseen Shiidka ayaa sheegay in jarista dhirta ay keeneyso nabaadguur kuyimaada dadka iyo deegaanka,iyagoo uga digay dadka ku howlan arrimahaasi in ay ka waantoobaan.

“Arrintani oo ku saabsan dhirt aiyo xaalufinteeda,arrintasi ayaa dhibaato nagu haysao,waxaa arrintaasi ku howlan dad lacago u wata in ay halkani shaqaalo keensadaan kadib dhuxulo ay uga sameeyaan jarista Dhirta,dhawaan waxaa dhacday in iska hor imaad halkaasi uu ka dhaco kadib markii isku dhac uu ka dhashey deegaanada ay ka socdaan jarista dhirta,gaar ahana dad diiday in deegaankooda laga jaro dhirta”. Ayuu yiri guddoomiyaha Warshiiq.

Dhanka kale Qaar ka mid ah dadka   deegaanka Ceel-macaan oo ka hadlay  arrinta  lagu joojinayo jarista dhirta Dhuxusha lagu sameeyo ayaa tilmaamay  in aysan marna ogolaan doonin in laga xaalufiya  dhirta deegaanada gobolka shabeelaha dhexe,iyagoo soo dhaweeyey go’aanka mamulka uu arrimahaasi kaga hortagayo,si looga fogaado nabadguur kuyimaada deegaanka.

Xigasho  Radio Dalsan

1
1
2
2
3
3
4
4
5
5
6
6
7
7
8
8