Muwaaddin Norwagian Ah Oo Ku Geeriyooday Qaraxii Todobaadkan Ka Dhacay Muqdisho

Muwaaddin Soomaali Norwigian ayaa la xaqiijiyay in uu ku geeriyooday weerarkii gaariga loo adeegsaday ee todobaadkan ka dhacay magaalada Muqdisho.

Hussein Mohamed Dirir, iyo walaalkiis oo dhawaan uun kasoo noqday dalka ayaa ku geeriyooday qaraxa iyagoo saaran mootada saddex lugoodka ama Bajaajta (Auto-Richshaw).

Qoyskooda ayaa warbaahinta u xaqiijiyay in ay geeriyoodeen Xuseen iyo walaalkiisa, waxaana loo maleeyaa in ay saarnaayeen Bajaajta gubatay ee muuqaal baahiyayaasha ay qabanayeen.

Alshabaab oo ah koox xiriir la leh Alqaacidda ayaa sheegatay mas’uuliyadda weerarkaas, waxaana ay sheegeen in ay la dileen dad ku dhow 17-qofood oo reyid ah.

Waxaa la xaqiijiyay in dhammaan dadkii ku geeriyooday qaraxaas ay ahaayeen dad reyid ah oo aan waxba galabsan, sida ay xaqiijiyeen mas’uuliyiinta amniga oo xilliga qaraxa ka dib goobta yimid.