DEG DEG: Guddoomiye Jawaari oo u jawaabay xildhibaano ka dalbaday inuu is casilo

Maxamed Sheikh Cusmaan Jawaari Guddoomiyaha Golaha Shacabka ee Baarlamaanka oo goordhow shir jiraa’id ku qabtay magaalada Muqdisho ayaa aqbalay mooshinka laga keenay, isagoo sheegay inuu diyaar u yahay in cod lagu kala baxo.

Sidoo kale, Guddoomiyaha Golaha Shacabka ayaa beeniyay warar saacadihii la soo dhaafay la soo geliyay baraha bulshada, kaasoo ahaa inuu is casilayo, isagoo hadalkaas ku tilmaamay mid riyo ah.

“Cod ayaa ku imid oo aan xilka Guddoonka Baarlamaanka ku hayaa, haddii aan baxayana cod ayaa ku baxayaaā€¯ayuu yiri Jawaari.

Sidoo kale Jawaari ayaa mar kale sheegay in ciidamo ay heystaan xarunta Golaha shacabka.

Jawaari ayaa sidoo kale ka dalbaday Xildhibaanada in muddo 10 maalmood gudahood cod loogu qaado mooshinka, si sharciga waafaqsan.

Hadalka ka soo yeeray Guddoomiye Jawaari ayaa meesha ka saaraya waan waan socotay oo la doonayay in lagu xaliyo xiisada siyaasadeed, waxaana muuqata in hadda iyo wixii ka dambeeya lagu kala bixi doono cod.

Xildhibaanada Mooshinka ka keenay Guddoomiye Jawaari ayaa u baahan si ay u ridaan Guddoomiye Jawaari 184 cod, taasoo ah arrin aan sahlaneyn oo u baahan olole la mid ah kii doorashada Madaxweynaha.