Dhageyso: Salaad Cali Jeelle”dalkaan hadii loo helo dowlad rasmi ah dad dan gaar ah wata lama arkaayo?

Siyaasiga Salaad Cali jeele oo ka mid ah Siyaasiyinta soomaaliyeed ayaa si kulul uga hadlay heshiiskii Saddex geesoodka ahaa ee dekada Beebera kaa soo dhexmaray Dowladda Itoobiya Maamulka Soomaaliland iyo shirkadda DP World ee lag leeyahay dalka Imaaraadka Carabta.

Heshiiskaas ayaa waxaa ka biyo diiday dowladda Soomaaiya,waxaana Siyaasi Salaad Cali jeelle uu shegay in hehsiiskaas uu yahy mid ay danteeda ku wadato Shirkadda DP World.

Waxa uu sheegay Siyaasiga in dalkaan ay masuul ka ama wakiil ka tahay dowladda Soomaaliya isla markaana dowladda Soomaaliya ay tallaabadii ku habeen ay ka qaado Imaaradka Carabta ama Maxkamadaha Caalamiga ah in ay ku dacweyso maadama ay ku xadgudbeen Shruucda Caalamiga ah.

Waxa uu hadalkiisa intaasi ku daray in heshiiskaas wax isdhaafsi iyo Ganacsi uu dhaafsiisan yahay dowladda imaaraadkana ay meel uga dhacday madax baanaanidii soomaaliya.

Siyaasiga Salaad Cali jeelle ayaa la weydiiyay Su’aal aheyd hadalkii ka soo baxay Agaasimaha Shirkada DP World ee ahaa in Soomaaliland ay tahay mid madax banaan,isla markaana Dowladda Soomaaliya ay heshiiskaas wax ka bedeli Karin ayaa waxa uu ku jawaabay.

“Runtii ninkaas waxa uu yahay nin lacagdoon ah oo aan ku hadlin Magac dowladeed,laakin hadii dalkaan Soomaaliya loo helo dowlad rasmi ah oo waxqabata ay keeni doonto in heshiisyo aan lala  gelin dad gaar ah ayuu yiri Siyaasi Salaad Cali Jeelle”

Ugu dambeyn waxa uu sheegay in Dowladda Imaaraadka Carabta ay tahay mid wadata dano Siyaasadeed isla markaana faragelin ku heysa dalka,sidaas daraadeedna dowladda soomaaliya looga baahan yahay in marka hore ay siiso digniin qoraal ah hadii ay joojin wayaan dhibaatada dalka ay ku hayaan in ay xiriirka u jarto.

MAHAAN KA DHAGAYSO CODKA SALAAD CALI JEELE