DE DEG:- Madaxwayne Farmaajo Oo Booqasho Aan Horey Loo Qorsheyn Ku Tagay Xarunta Ciidanka Ee Xera Agoon

Madaxwaynaha Soomaaliya Maxamed Cabdilahi Farmaajo ayaa maanta booqasho aan horey loosii shaacin ku tagay xarunta Miletiriga ee Xera Agoon taas oo ku taalla degmada Hodan ee gobolka Banaadir.

Waddooyinka soo gala halkaas iyo dhammaan waddooyinka waa wayn ee halbawlaha u ah magaalada ayaa la xiray, waxaana kormeerka madaxwaynaha uu yahay mid lagu dhiiro gelinayo ciidanka qalabka sida.

Guutooyin katirsan ciidanka ayuu salaan sharaf ka guddoomay, sidoo kale wuxuu wareystay saraakiil katirsan madaxda xeradaas.

Kormeerkan ayaa noqonaya midkii ugu horreeyay ee uu madaxwaynaha ku tago xeradaas, balse dhawr jeer oo horey ayuu booqday goobo waa wayn oo ciidanka saldhigyo u ah sida keydka raashiinka ciidanka.

Khudbad dhawr daqiiqo socotay oo dardaaran iyo guubaabo ayuu madaxwaynaha goobta ka mariyay, waxaana uu sheegay in dawladdiisu ay dhiiro gelineyso ciidanka.

Tababar ayaa u socoday qaar kamid ah ciidanka xerada kujiray, laftigooda ayuu ku booriyay in ay dalkooda difaacaan, sidoo kalena ay dhag jalaq usiinin hadallada iyo dhibaatooyinka mararka qaar Alshabaab kaso gaara.