War Deg Deg ah:Xarumaha Hir-shabeelle ee Beledweyne oo Lala Wareegay Iyo Cosoble oo Xaalada ku Xun Tahay?

Wararka ka imaanaya Magaaladda beledweyne ee Gobolka Hiiraan ayaa ku waramaya Ciidamo malatariga Dowladda federaalka Soomaliya in ay la wareegeen xarumaha Maamulka Hir-shabeelle ee Magaaladaas.

Ciidamadaan oo wata Gaadiidka noocyadiisa kala duwan ayaa la sheegay In ay kasoo baxeyn Saldhigyadda ay ku lahaayeen duleedka Magaaladda Beledweyne ee Gobolka Hiiraan,islamarkaana haatan ay ku sugan yihiin xarumaha maamulka Hir-shabeelle ee magaaladaas.

Mas’uuliyiin ka tirsan maamulka Gobolka hiiraan oo la hadlay Warbaahinta  ayaa sheegay in khilaafka ka jira Hir-shabeelle ay sabab u tahay Ciidamada la wareegay xarumaha maamulka Hir-shabeelle.

Ciidamadaan ayaa sidoo kale la sheegay in ay ku amreen Cali Osoble madaxweynihii hore ee Hir-shabeelle  in uusan qabanin wax shirar ah.

Arintaan ayaa kusoo beegmaysa xili Jimcihii aynu soo dhaafnay Magaaladda Beledweyne ee Gobolka Hiiran loogu dhawaaqay Maamul la magac-baxay Hiiraan-land iyadoo madaxweyne loogu dhigay Cali C/laahi Osoble, oo ay xilka ka qaadeen xildhibaanada Baarlamanka Hir-shabeelle.