War Deg Deg ah:Golaha Wakiiladda Somali-land oo Doortay Gudoomiye

Mudanayaasha golaha wakiilada Maamulka Somaliland oo maanta kulan ku yeeshay Magaalada Hargeysa ayaa  doortay gudoomiyaha cusub ee golahaasi.

Kursiga gudoomiyaha golaha wakiilada Somali-land waxa uu tartamayay Xildhibaan Baashe Maxamed Faarax iyo Xildhibaan Cabdiraxmaan Talyanle, iyaga oo mudanayaasha golahana ka hor jeediyey khudbado la xiriira qaabka ay u hogaamin doonaan golaha.

Labada Mas’uul ayaa mudanayaasha golaha wakiilada  cod gacan taag ah ugu codeeyey.

Baashe Maxamed Faarax waxa uu noqday gudoomiyaha golaha wakiilada iyada oo ay u codeeyeen 39 xildhibaan, halka xildhibaan Cabdiraxmaan Talyanle ay u codeeyeen 38 xildhibaan.

Xilka Gudoomiyaha Golaha wakiiladda Maamulka Somali-land waxaa iska casilay dhawaan C/raxmaan Ciro oo u taagan xilka Madaxweynaha Maamulkaas.