WAR DEG DEG AH: ah Ganacsade Saakay lagu dilay Magaalada Muqdisho

Koox Bastoolado ku Hubeysan ayaa Saakay Suuqa Beerta ee Degmada Waabari ee Muqdisho ku dishay Nin Sarifle ah oo ka mid ahaa Ganacsatada Sarifka ee Suuqa Beerta.

Alle ha u naxariistee Marxuumka la dilay ayaa Magaciisa waxaa lagu soo koobay Axmed-deey Garfiiq,waxaana Dilka u geystay Rag Bastoolado watay oo dilka ka dib baxsaday.

Dilka ka dib ayaa waxaa Goobta yimid Ciidamada Ammaanka Soomaaliya oo halkaas Baaritaano ka sameeyay,inkastoo aysan Qofna u soo qaban Falkaas.

Magaalada Muqdisho ayaa waxaa ku soo batay Bisha Ramadaan Dilalka Qorsheysan oo ay geysanayaan Dableey Bastoolado wadata,mana jirto Cid Dilalka dhaca loo soo qabto.